Strembin vika að baki...

Jæja þá er ein strembin vika að baki hjá mér...held að ég hafi ekki upplifað aðra eins viku áður...hehe
Það er eins og það þurfi alltaf að vera allt allt að gerast í einu, brálað álag í skólanum, uppgjör í vinnunni (bláa), brjálað frost og rafgeymirinn í bílnum mínum dó..arg garg
Þurfti að skila í þessari viku hópverkefni í markaðsfærði uppá 20%, verkefni í fjárhagsbókhaldi uppá 15% og skilaverkefni í stærðfræði. Þar sem maður er í háskólanámi með vinnu gefst enginn annar tími til læra en helgar, kvöld og nætur..er búin að eyða meiri tíma í skólanum þessa vikuna en heima hjá mér. Var upp í skóla síðustu helgi frá 11-21 báða dagana að gera markaðsfræðiverkefnið, mæti svo í tíma á mánudag klukkan fjögur og fer strax í fjárhagsbókhaldið eftir tímann og erum í því til fjögur um nóttina, mæti svo í vinnu níu morguninn eftir..hætti á hádegi og fer uppí skóla og er það til þrjú um nóttina, fer þá útí bíl í mesta frosti sem ég man eftir og hann rafmagnslaus...þannig að ég þurfti að hringja á taxa til að fá start, sem betur fer eru þeir með þá þjónustu segji ég nú samt.
Þurfti svo að sleppa tíma á miðvikudag til að vera í vinnunni því ég átti nóg eftir að bóka...svo þegar ég ætla heim er mín aftur rafmagnslaus...en ég á svo yndislega mömmu sem kom mér til bjargar og gaf mér start. Var svo uppí skóla til eitt á fimmtudagskvöldið að klára skiladæmin í stæ. sem voru þau síðustu á þessari önn þannig að núna er öll verkefnavinna búin sem er svo mikill léttir að þið trúið því ekki. Var svo að vinna á fös til sjö til að klára bláu og fór svo að láta skipta um rafgeymir í elsku bílnum mínum...:)
Helgin er svo búin að vera mjög fín hjá mér..Inga bauð okkur í mat til sín á fös.kvöldið, mín kom nú aðeins of seint því ég þurfti að fara með bílinn en það reddaðist...náðu stelpunum við matarborðið, það var bara kósý kvöld hjá okkur stelpnum, hoefðum á x-factor og rifumst um að halda á Sunnu Dís..hehe, held að það klingi nú aðeins hjá okkur öllum í kringum hana, enda ekki annað hægt...:)
Fór svo á heildsölu á laug.morguninn sem Linda uppí vinnu var búin að redda okkur á og keypti tvær jólagjafir...:) Var svo mætt uppí skóla um tvö þar sem ég hitti Hrönn, en við vorum að byrja að læra undir stærðfræðiprófið sem er 30. nóv, trúi því varla að þessi önn sé að verða búin...tíminn flýgur sko áfram. Tek svo prófí 5. des í fjárhagsbókhaldi og 8. des í markaðsfræði og er þá komin í mánaðarfrí...ohhhh hvað það verður yndislegt...
Ég hitti svo Örnu, Hönnu og Tinnu í gærkvöldi og ætluðum við að fá okkur smá í glas sem endaði náttla á því að ég, Arna og Tinna skelltum okkur í bæinn sem var bara mjög gaman...dönsuðum eins og maniacs...:) Binni elskan bjargaði okkur ekkert smá mikið, hann skutlaði okkur í bæinn og náði svo í okkur Örnu...en það snjóaði svo svakalega mikið frá miðnætti að það var allt á kafi þegar við vorum á leiðinni heim aðleigubílaröðin haggaðist ekki og bílar að koma á 5 mín fresti...enda voru víst sendir tveir strætóar í röðina í nótt til að fólk gæti hlýjað sér á meðan það væri að bíða eftir bíl...
Ég er svo búin að vera í algerri leti í dag...ekkert smá kósý..gott að hlaða batteríin fyrir næstu vikur sem verða strembnar í próflestri..

Jæja ætla að láta þetta duga í bili..er sko búin að vera "in fire" hehe

Mæjan

P.s. Birna og Rakel, þar sem það er ekki til stafræn myndavél á heimilinu mínu get ég ekki sett mynd af nýja tannskartinu mínu núna...aldrei að vita nema að ég láti einhvern taka mynd af mér til að sýna ykkur..er svo ánægð með þetta..hehe

Klapp klapp

Held að mín eigi sko skilið klapp núna fyrir að vera svona dugleg að blogga....hehe:)

Ákvað að koma með smá skýrslu frá helginni...fór í gærmorgun að fá teinana mína, orðin ekkert smá sexy..:) Þetta lýtur þó betra út en ég var búin að búast við, fékk glæra teina og er bara með í efri góm þar sem það er ekki pláss fyrir teina niðri... en þeir koma samt seinna..hann reiknar með að geta sett þá eftir nokkra mánuði..:) Það er samt ekkert smá skrítið að vera komin með eitthvað drasl ( tannskraut:)) á tennurnar, líður stundum eins og nördinu í síma auglýsingunni sem brosti svo fallega með teinana...:)

Litla skvísan hjá Ingu og Binna fékk svo nafn í dag, en hún fékk nafnið Sunna Dís. Mér finnst það rosalega fallegt nafn og hæfir litlu dömunni vel..:)

Það er lítið búið að fara fyrir lærdóm þessa helgina, höfum ekkert hist út af markaðsfræðiverkefninu sem þýðir það að það fara nokkur kvöld í það í vikunni.. Ég var nú samt dugleg í stærðfræðinni í gær og náði að reikna mest allt efni fyrir næstu viku, gott að vera búin með það þar sem það fer örugglega mikill tími í hópverkefnið. Er annars búin að hafa það notelgt um helgina og slappa vel af sem var kærkomið eftir síðustu viku, ágætt líka að hlaða batteríin fyrir næstu viku þar sem ég var alveg komin á vara-batteríið..:)

Jæja, ætla að láta þetta duga í bili...búin að vera svo dugleg þessa viku að blogga..:)

Mæjan - pæjan með tannskrautið

Think god it's Friday

Hvaða hvaða, bara önnur færsla í sömu vikunni...mín sko aldeilis að taka sig á...:)
En vá hvað ég er fegin að það er föstudagur í dag og geðveiki vikunnar á enda, þurfti að skila verkefni í fjárhagsbókhaldi á miðvikudaginn sem gildir 10% af lokaeinkunn þannig að það fór talsverð vinna í það og svo eru náttla alltaf skilaverkefni í stæ. sem á að skila á föstudögum og mín var uppí skóla frá sjö til korter yfir tvö í nótt að klára það...og mín því doldið sybbin í dag...:)

Helgin verður svo bara róleg hjá minni, held að ég fari bara snemma í rekkju í kvöld þar sem það verður stór dagur hjá minni á morgun. Frá og með morgundeginum verður mín officially "NÖRD" haha Er sem sagt að fara að mæta klukkan korter yfir níu í fyrramálið í teina uppsetningu...verð nú að viðurkenna það að mín er með nett fiðrildi í maganum en þetta verður vonandi fljótt að venjast - svo er bannað að hlægja af Mæjunni...;)

Litla prinsessa Ingu og Binna er svo að fá nafn á Sunnudaginn þannig að mín er að fara í skírn þá.... hlakka mikið til að heyra hvaða nafn hún fær...er búin að reyna að koma því að að María er voða fallegt nafn á hana, verður gaman að sjá hvort þau hafa hlustað á mig...:)
Hér er mynd af henni nokkra klukkustunda gamalli, alveg eins og mamma sín..:)




Restin af helginni fer svo bara í lærdóm en við erum á fullu núna í hópverkefni í markaðsfræði sem við eigum að skila 15. nóv þannig að við verðum að hittast um helgina.

Jæja, ætla að láta þetta duga í bili..

Góða helgi

Mæjan

Jæja...

Jæja..er ekki ágætt að koma með eina færslu svona annan hvorn mánuð... ein í júní, ein í ágúst og svo loks ein í okt...:)

Mín er búin að vera gjörsalega á haus síðustu mánuði..eða alveg síðan að skólinn byrjaði. Þetta er alveg rosaleg vinna en líka mjög gaman, segi nú samt ekki að það hafa ekki alveg komið tímar þar sem ég er búin að hugsa um hvað ég er búin að koma mér útí..:) En ég er fljót að gleyma því sem betur fer..þarf nú ekki að hugsa um annað en rassgatið á sjálfri mér og eins gott að nýta þann tíma sem annars hefði farið í sjónvarðsgláp í að mennta sig... er samt alveg að missa samband við umheiminn, vinina og fjölskylduna en sem betur fer á ég trausta vini sem fara ekkert þó að þeir heyra ekki jafn oft í mér og fjölskyldan fær nú ekki að fara langt...:)

Þið getið eiginlega þakkað fjárhagsbókhaldinu fyrir þessa færslu þar sem ég á að vera að gera verkefni í því núna en er engan veginn að nenna því þannig að mín ákvað bara að blogga smá...hehe
Ætla að reyna að virkja þessa síðu aðeins meira núna þó að færslurnar verði ekki langar..bara aðeins að láta vita af mér (þegar ég nenni ekki að læra) eða að kvarta yfir öllum lærdómnum...

Jæja ég kveð í bili - þangað til í des..hehe

Mæjan

Enn á lífi...:)

Jæja þið sem eruð ekki enn búin að gefast upp á mér og eruð ennþá að fylgjast með mér þá er ég á lífi..:) Ég get nú ekki sagt að ég hafi verið dugleg að skrifa í sumar, og ég sem lofaði að vera duglegri þar sem ég væri komin með netið og nýja tölvu...aldeilis búin að renna á rassgatið með það, var meira að segja búin að gleyma lykilorðinu inn á bloggið..þurfti nokkrar tilraunir til að komast inn..hehe:)

En annars er bara fínt að frétta af minni, ætla bara að hafa þetta stutta færslu núna en LOFA að blogga meira um liðna atburði næst..:)
M.a. frá:

Spánarferðinni sem var algjör snilld, ætla að reyna að setja inn myndir líka..:)
Skólanum
Kynlífinu.. annars.. ætli ég sleppi ekki að setja það hér inn á veraldarvefinn..;)

En ég lofa allavegana lengri og skemmtilegri færslu næst..þarf aðeins að koma mér í gírinn fyrst..

Þangað til næst..

Mæjan

Nýtt blogg...

Jæja þá er mín komin með nýtt blogg...er ekki alveg að meika þetta blogcentral þar sem allar gamlar færslur bara eyðast... ekkert gaman að því..;) Látið mig endilega heyra hvernig ykkur finnst nýja síðan mín, hún er nú samt ennþá í vinnslu hjá mér þar sem ég er að kynna mér alla nýju "fítusana" á henni...:)

Annars er bara fínt að frétta af gellunni, hvítasunnuhelgin bara búin að vera þrusu fín hjá minni.. Eyrún snillingur skipulagði óvissuferð fyrir okkur skvísurnar..moi, Kollu og Ingu á laugardaginn nema að Inga komst ekki þar sem að þau voru búin að ákveða að fara í ferðalag þannig að við vorum bara þrjár. Eyrún kom og sótti okkur klukkan tólf og byrjuðum við á því að kíkja stutt í smáralindina...það þarf náttla alltaf að kaupa sér nýjan bol fyrir djammið..;) Þegar nýr bolur var svo kominn í pokann var ferðinni haldið áfram og keyrði Eyrún áfram án þess að ég og Kolla hefðum hugmynd af því hvert ferðinni var heitið. Þegar við vorum komnar langleiðina að Sandgerði stoppar Eyrún bílinn "in the middle of nowhwere" og segir okkur að fara út...og tilkynnir okkur þá að við séum að fara í eggjatýnslu, við höfðum 20 mín til að týna sem flest egg og sigurvegarinn myndi fá verðlaun..sem reyndist vera Kolla með tvö egg, ég núll egg og Eyrún núll egg og fékk Kolla tvo eggjabikara í verðlaun fyrir...
Næsta stopp var svo á Grindarvíkurveginum þar sem okkur var hent út og sagt að elta Eyrúnu útí móa...en þar leyndist líka þessi flotti hellir þar sem mamma hennar Eyrúnar var búin að koma fyrir fullt af kertum og kveikja á..bara flott
Eftir að við vorum búnar að skoða hellinn fórum við inní Selskóg, sem er skógur rétt hjá Grindavík þar sem biðu okkar stólar og borð og bakkelsi sem Eyrún hafði keypt. Þar sátum við í klukkutíma að borða og spjalla, bara nice þar sem veðrið var líka mjög gott..
Þaðan lá leiðin okkar svo í bláa lónið þar sem við slöppuðum vel af og undirbjuggum okkur fyrir kvöldið sem var ekki síður skemmtilegt en dagurinn. Við komum við í Nóatúni á heimleiðinni þar sem við keyptum okkur mat á grillið...svo var grillað og drukkið mikið, spjallað og slúðrað..töfrateppið á sínum stað og daður við leigubílstjórann á leiðinni í bæinn...sem skilaði okkur náttla afslætti...;)
Þetta var því alveg æðislegur dagur hjá okkur frá A-Ö, þurfum bara að gera þetta oftar...takk fyrir frábæran dag dúllurnar mínar..

Gærdagurinn fór svo að mestu bara í leti..fór til Eyrúnar um þrjú og lágum við yfir DVD til að verða sjö þegar við drifum okkur út og fengum okkur pizzu á pizza hut og kíktum í bíó. Fórum að sjá myndina Poseidon sem var bara hörkuspennandi, fannst hún bara mjög fín.
Ég kíkti svo í heimsókn til Ingu eftir bíó, var svo spennt að sjá sónarmyndirnar hennar en hún var í 20 vikna sónar á föstudaginn...hún fékk líka að vita kynið en ég vil ekki opinbera það hérna þar sem ég veit að hún er ekki búin að segja öllum það sjálf..:)

Jæja, læt þetta duga í bili...muna að commenta svo ég nenni að halda áfram að blogga...;)

Mæjan